ZIFAHAMU SABABU ZA KULIVUA PENDO

WAPENDAO NA WAPENDE

Aah!! Moyo nchi ya kiza,, wewe pofu waendaje??
Mji hisia fukiza,, mwenzangu umechotaje??
mimi zimenitatiza,, machozi yanitokaje??
MIMI NALIVUA PENDO,, WAPENDAO NA WAPENDE

Aah!! Nanena haya kwa ndani,, uwongo nitasemaje??
Utamu huo kinywani,, mapenzi umekaaje??
Niloipata tufani,, mapenzi yameumbwaje??
MIMI NALIVUA PENDO,, WAPENDAO NA WAPENDE

Dah!! moyo unanisimanga,, maumivu yakataje??
Haya hayana nyakanga,, mwalimu kaumiaje??
Shetani nyumba kapanga,, wazimu kaingiaje??
MIMI NALIVUA PENDO,, WAPENDAO NA WAPENDE

Doh!! sisemi naweka shonde,, waja mpate bwabwaje
nafsi yangu ni kibonde,, utamu ningepataje??
Mbio nakwepa makonde,, na nyie mlitakaje??
MIMI NALIVUA PENDO,, WAPENDAO NA WAPENDE

Dah!! Raha ya kuendeleza,, mwendo umepunguaje
japo nisema naweza,, mawazo nikapambaje
kumbe huitaji pweza,, mchuzi nitaunywaje
MIMI NALIVUA PENDO,, WAPENDAO NA WAPENDE

Duh!! Kukuru moyo kakara,, vuta vuta ngekujaje??
Mwili utake mitara,, nafsi nimechafukwaje??
Penzi sitaki hawara,, kukaa nitawezaje??
MIMI NALIVUA PENDO,, WAPENDAO NA WAPENDE

Dah!! Shavu limekuwa ziwa,, machozi yamekwamaje
Kwako nakiri pitiwa,, penzini nimekujaje??
Awali nilivutiwa,, makosa nimefanyaje
MIMI NALIVUA PENDO,, WAPENDAO NA WAPENDE

Dah!! Chozi lakujitakia,, kufuta linaumaje
Licha kukanywa tabia,, haraka nikaendaje
Kumbe moyo ni pazia,, wewe umelichanajeJ
MIMI NALIVUA PENDO,, WAPENDAO NA WAPENDE

Nuru ya penzi kuisha,, ahera imekaaje
sijapata kuridhisha,, nafsi yangu yajutaje
Kovu likija niisha,, salama niivaaje
MIMI NALIVUA PENDO,, WAPENDAO NA WAPENDE

najitenga nalo pendo,, kisiwa cha makengaje
Mana sijaona tendo,, furaha kunipataje
Si vyema kufata nyendo,, madhara yaniachaje
MIMI NALIVUA PENDO,, WAPENDAO NA WAPENDE

limetungwa na
HUSSEIN JAFARY JUMA

Comments

AINA MBALIMBALI ZA JUICE ZA MATUNDA, NA FAIDA ZAKE KAMA DAWA MWILINI

Matunda ya asili ni tiba asilia. Pia mchanganyiko wa matunda haya asilia huweza kutengeneza juice tamu ambayo pia huweza kuwa tiba asilia. Zifuatazo ni baadhi ya Juice ambazo unaweza tengeneza wewe mwenyewe hapo nyumbani na zikawa ni kama tiba kwako; TUFAHA NA TANGO LA KAWAIDA Juisi yenye mchanganyiko wa matunda haya huondoa harufu mbaya mdomoni na hupunguza joto la mwili. CHUNGWA, TANGAWIZI NA TANGO Juisi yenye mchanganyiko wa matunda haya hung’arisha rangi ya ngozi na kuifanya kuwa laini. Pia hupunguza joto la mwili. Kwa wale wenye matatizo ya kuwa na ngozi kavu, juisi hii itawasaidia sana. NANASI, APPLE NA TIKITIMAJI Juisi yenye mchanganyiko wa matunda haya hufanya kazi ya kuondoa chumvi nyingi mwilini, husafisha kibofu cha mkojo na figo. Juisi hii ni nzuri kwa wale wenye matatizo ya kibofu na figo au wanaotaka kujikinga na magonjwa hayo. APPLE, TANGO NA ‘KIWI’ Juisi yenye mchanganyiko wa matunda haya hung’arisha rangi ya ngozi. Kiwi ni ...

JUICE BORA ZA MATUNDA NA FAIDA ZAKE KATIKA KUBORESHA AFYA YA MWILI

Juisi ni kinywaji bora na maarufu duniani, lakini ni vyeme ukajua juisi ipi ina faida mwilini na ipi haina faida yoyote. Katika zama tulizonazo, kumezuka aina nyingi za vinywaji vinavyoitwa juisi, wakati si juisi bali ni vinywaji vyenye ladha ya matunda mbalimbali. Juisi ni kinywaji kilichotengenezwa kutokana na tunda halisi au mboga na si mchanganyiko wa maji na kemikali nyingine zenye ladha ya matunda na kupewa majina kama juisi ya machungwa, nanasi, zabibu, n.k. Mara nyingi vinywaji hivyo huwekewa sukari na kemikali nyingine za kuhifahdia (preservertives) ili zisiharibike, ambavyo kiafya havikubaliki. Licha ya kutumia jusi halisi kama kinywaji tu, juisi pia hutoa kinga na tiba kwa maradhi mbalimbali. Iwapo mtu atatengeneza mchanganyiko maalum wa matunda na kutayarisha juisi maalum na kuinywa, anaweza kupata kinga na tiba ya matatizo mbalimbali ya kiafya kama ilivyoanishwa hapa chini: KAROTI+ KITUNGUU SWAUMU + EPO Juisi ya mch...

AINA ZA MATUNDA YENYE KUIMARISHA NA KUONGEZA MVUTO WA NGOZI YA MWILI

APPLE: Hili ni tunda maarufu sana duniani lihusishwalo na wapendanao, lakini tunda hili pamoja na kupewa umaarufu mkubwa duniani na kuwa na vitamini na madini kibao, pia lina kazi kubwa sana katika kukupa muonekano mzuri wa ngozi ya mwili wako.Tunda hili husaidia kuboresha mzunguko wa damu mwilini pamoja na kuhifadhi ngozi isipoteze uhalisia wake. PAPAI: Ni tunda sahihi kabisa katika kukupa ngozi yenye mafuta, kurudishia au kuziba sehemu zilizoumia na kunyofoka katika ngozi yako. Papai pia hunga'arisha rangi ya ngozi yako, yote haya hufanyika na enzyme inayotokana papai ambayo huitwa papain. Endapo kama unataka kutumia papai katika ngozi yako ya uso, basi chukua asali changanya na papai lililo iva na paka usoni kwako kwa dakika 10 kisha safisha, kisha utaona kitakachotokea katika uso wako, utaonekana kama ngozi ya mtoto wa siku mbili. AVOCADO: Tunda hili limekuwa maarufu sana kwa kutengenezewa juice, lakini huenda watu wakawa ha...

Africabongo

Search This Blog